51 ൽ 36 ; എം.വി. ജയരാജൻ തലശ്ശേരി നഗരസഭാ വൈസ് ചെയർമാൻ

 തലശ്ശേരി നഗര സഭാ കൗൺസിലിലെ മുതിർന്ന അംഗവും,  സി.പി.എം. നേതാവുമായ എം.വി.ജയരാജനെ തലശ്ശേരി നഗരസഭയുടെ വൈസ് ചെയർമാനായി തിരഞ്ഞെടുത്തു

Also read: നാദാപുരത്ത് കടയിൽ കയറി മുളക് പൊടിയെറിഞ്ഞ് വ്യാപാരിയെ അക്രമിച്ച് യുവാവ് പണം കവർന്നു

.51 അംഗങ്ങളിൽ 36 പേർ ജയരാജന് വോട്ട് നൽകി. വൻ ഭൂരിപക്ഷത്തിൽ തിരഞ്ഞെടുക്കപ്പെട്ട ജയരാജൻ റിട്ടേണിംഗ് ഓഫിസറായ പഴശ്ശി ഇറിഗേഷൻ എക്സി.എഞ്ചിനിയർ ജയരാജ് മുൻപാകെ സത്യപ്രതിജ്ജ ചെയ്ത് ചുമതലയേറ്റു.

വൈസ് ചെയർമാനായിരുന്ന വാഴയിൽ ശശി മരണപ്പെട്ടതിനെ തുടർന്നാണ് ചെയർമാൻ സ്ഥാനത്തേക്ക് തിരഞ്ഞെടുപ്പ് നടന്നത്.

Also read: എം.ഇ.എസിൻ്റെ അറുപതാം വാർഷിക ജൂബിലി ; ലോഗോ പ്രകാശനം തലശേരിയിൽ നടന്നു

കൗൺസിലിൽ എൽ.ഡി.എഫിന്റെ എതിർചേരിയിലുള്ള യു.ഡി.എഫും, ബി.ജെ.പിയും സ്വന്തമായി സ്ഥാനാർത്ഥികളെ വൈസ് ചെയർമാൻ സ്ഥാനത്തേക്ക് മത്സരിപ്പിച്ചിരുന്നു.

യു.ഡി.എഫിനായി മത്സരിച്ച മുസ്ലിം ലീഗിലെ ടി.പി. ഷാനവാസിന് 5 ഉം ബി.ജെ.പി.ക്കായി മത്സരിച്ച ഇ. ആശക്ക് 5 ഉം വോട്ടുകൾ മാത്രമാണ് ലഭിച്ചത്.

Also read: തലശേരിയിൽ ഗുണ്ടൽപേട്ടിനെ വെല്ലുന്ന തരത്തിൽ പൂ കൃഷിയുമായി തലശേരി പ്രാഥമിക സഹകരണ കാർഷിക ഗ്രാമവികസന ബാങ്ക് ; മാവേലിക്കൊപ്പം സെൽഫി പോയിൻ്റിൽ തിരക്കോട് തിരക്ക്

യു.ഡി.എഫിന് 7 ഉം ബി.ജെ.പിക്ക് 8 ഉം അംഗങ്ങളാണ് ഉള്ളത്. നിലവിലുള്ള 51 കൗൺസിലർമാരിൽ 46 പേർ വോട്ടെടുപ്പിൽ പങ്കെടുത്തു. 

വൈസ് ചെയർമാൻ സ്ഥാനത്തേക്ക് എം.വി. ജയരാജന്റെ പേര് സി.ഒ.ടി. ഷബീറാണ് നിർദ്ദേശിച്ചത്. സി.പി. അനിത പിൻതാങ്ങി. 32-ാം വാർഡായ മാടപ്പീടികയിൽ നിന്നാണ് എം.വി.ജയരാജൻ നഗരസഭയിലേക്ക് തിരഞ്ഞെടുക്കപ്പെട്ടിരുന്നത്.

36 of 51; M.V. Jayarajan Thalassery Municipal Council Vice Chairman